Domine Iesu Christe, Rex gloriae
Deus, qui nos patrem et matrem honorare
Requiem aeternam dona ei (eis), Domine, et lux perpetua luceat ei (eis). Requiescat (-ant) in pace Amen.
Domine Iesu Christe, Rex gloriae, libera animas omnium fidelium defunctorum de poenis inferni et de profundo lacu; libera eas de ore leonis, ne absorbeat eas tartarus, ne cadent in obscurum; sed signifer sanctus Michael repraesentet eas in lucem sanctam, quam olim Abrahae promisisti et semini eius. Amen.
Deus, qui nos patrem et matrem honorare praecepisti: miserere clementer animabus patris et matris meae eorumque peccata dimitte (vel animae patris mei eiusque peccata dimitte, vel animae matris meae eiusque peccata dimitte): meque eos (vel meque eum, vel meque eam) in aeternae claritatis gaudio fac videre. Per Christum Dominum nostrum. Amen.
Quaesumus, Domine, pro tua pietate miserere animae famulae tuae N., et a contagiis mortalitatis exutam, in aeternae salvationis partem restitue. Per Christum Dominum nostrum. Amen.
Inclina, Domine, aurem tuam ad preces nostras, quibus misericordiam tuam supplices deprecamur, ut animam famuli tui N., quam de hoc saeculo migrare iussisti, in pacis ac lucis regione constituas et Sanctorum tuorum iubeas esse consortem. Per Christum Dominum nostrum. Amen.
Sicubi recitentur in Choro, congrue dicuntur ante Matutinum diei; extra Chorum vero pro temporis opportunitate. Primi quinque Psalmi dicuntur sine Gloria Patri, sed in fine ultimi dicitur Requiem aeternam.
Incipiuntur absolute sine Antiphona.
Psalmi 119, Ad Dominum cum tribularer.
Psalmi 120, Levavi.
Psalmi 121, Laetatus sum.
Psalmi 122, Ad te levavi.
Psalmi 123, Nisi quia Dominus.
Requiem aeternam* dona eis, Domine.
Et lux perpetua* luceat eis.
Deinde dicitur flexis genibus:
Pater noster ..... (secreto, useque ad)
V. Et ne nos inducas in tentationem.
R. Sed libera nos a malo.
V. A porta inferni.
R. Erue, Domine, animas eorum.
V. Requiescant in pace.
R. Amen.
V. Domine, exaudi orationem meam.
R. Et clamor meus ad te veniat.
V. Dominus vobiscum.
R. Et cum spiritu tuo.
Oremus:
Absolve, quaesumus, Domine, animas famulorum famularumque tuarum et omnium fidelium defunctorum, ab omni vinculo delictorum: ut in resurrectionis gloria inter Sanctos et Electos tuos resuscitati respirent. Per Christum Dominum nostrum.
R. Amen.
Post Orationem statim dicuntur alii Psalmi Graduales qui sequuntur; et in fine cuiuslibet Psalmi dicitur Gloria Patri.
Psalmi 124, Qui confidunt
Psalmi 125, In convertendo.
Psalmi 126, Nisi Dominus.
Psalmi 127, Beati omnes.
Psalmi 128, Saepe expugnaverunt.
Postea dicitur flexis genibus:
Kyrie, eleison. Christe, eleison. Kyrie, eleison.
Pater noster ..... (secreto, useque ad)
V. Et ne nos inducas in tentationem.
R. Sed libera nos a malo.
V. Memento Congregationis tuae.
R. Quam possedisti ab initio.
V. Domine, exaudi orationem meam.
R. Et clamor meus ad te veniat.
V. Dominus vobiscum.
R. Et cum spiritu tuo.
Oremus:
Deus, cui proprium est miseri semper et parcere: suscipe deprecationem nostrum; ut nos, et omnes famulos tuos, quos delictorum catena constringit, miseratio tuae pietatis clementer absolvat. Per Christum Dominum nostrum.
R. Amen.
Post Orationem statim dicuntur alii Psalmi Graduales qui sequuntur; et in fine cuiuslibet Psalmi dicitur Gloria Patri.
Psalmi 129, De Profundis.
Psalmi 130, Domine, non est exaltatum.
Psalmi 131, Memento, Domine.
Psalmi 132, Ecce, quam bonum.
Psalmi 133, Ecce, nunc benedicite.
Postea dicitur flexis genibus:
Kyrie, eleison. Christe, eleison. Kyrie, eleison.
Pater noster ..... (secreto, useque ad)
V. Et ne nos inducas in tentationem.
R. Sed libera nos a malo.
V. Salvos fac servos tuos.
R. Deus meus, sperantes in te.
V. Domine, exaudi orationem meam.
R. Et clamor meus ad te veniat.
V. Dominus vobiscum.
R. Et cum spiritu tuo.
Oremus:
Praetende, Domine, famulis et famulabus tuis dexteram caelestis auxilii: ut te toto corde perquirant, et quae digne postulant, consequi mereantur. Per Christum Dominum nostrum.
R. Amen.
Ant. In viam pacis.
Benedictus
Gloria Patri....
Ant. In viam pacis et prosperitatis dirigat nos omnipotens et misericors Dominus: et Angelus Raphael comitetur nobiscum in via, ut cum pace, salute et gaudio revertamur ad propria.
Kyrie, eleison. Christe, eleison. Kyrie, eleison.
Pater noster (secreto usque ad)
V. Et ne nos inducas in tentationem.
R. Sed Iibera nos a malo.
V. Salvos fac servos tuos.
R. Deus meus, sperantes in te.
V. Mitte nobis, Domine, auxilium de sancto.
R. Et de Sion tuere nos.
V. Esto nobis, Domine, turris fortitudinis.
R. A facie inimici.
V. Nihil proficiat inimicus in nobis.
R. Et filius iniquitatis non apponat nocere nobis.
V. Benedictus Dominus die quotidie.
R. Prosperum iter faciat nobis Deus salutarium nostrorum.
V. Vias tuas, Domine, demonstra nobis.
R. Et semitas tuas edoce nos.
V. Utinam dirigantur viae nostra.
R. Ad custodiendas iustificationes tuas.
V. Erunt prava in directa.
R. Et aspera in vias planas.
V. Angelis suis Deus mandavit de te.
R. Ut custodiant te in omnibus viis tuis.
V. Domine, exaudi orationem meam.
R. Et clamor meus ad te veniat.
V. Dominus vobiscum.
R. Et cum spiritu tuo.
Oremus
Deus, qui filios Israel per maris medium sicco vestigio ire fecisti, quique tribus Magis iter ad te stella duce pandisti, tribue nobis quaesumus iter prosperum tempusque tranquillum: ut, Angelo tuo sancto comite, ad eum quo pergimus locum, ac demum ad aeterna: salutis portum pervenire feliciter valeamus.
Deus, qui Abraham puerum tuum, de Ur Chaldaeorum eductum, per omnes suae peregrinationis vias illaesum custodisti: quaesumus, ut nos famulos tuos custodire digneris: esto nobis Domine in procinctu suffragium, in via solatium, in aestu umbraculum, in pluvia et frigore tegumentum, in lassitudine vehiculum, in adversitate praesidium, in lubrico baculus, in naufragio portus: ut, te duce, quo tendimus prospere perveniamus, et demum incolumes ad propria redeamus.
Adesto, quaesumus Domine, supplicationibus nostris: et viam famulorum tuorum in salutis tuae prosperitate dispone: ut inter omnes viae et vitae huius varietates tuo semper protegamur auxilio.
Praesta,quaesumus omnipotens Deus: ut familia tua per viam salutis incedat; et, beati Ioannis Praecursoris hortamenta sectando, ad eum quem praedixit secura perveniat, Dominum nostrum Iesum Christum Filium tuum: Qui tecum vivit et regnat in unitate Spiritus Sancti Deus, per omnia saecula saeculorum. R. Amen.
V. Procedamus in pace.
R. In nomine Domini.
Amen.